Šarić: Spreman sam ali neću sada
Suđenje je nastavljeno izvođenjem pisanih dokaza Tužilaštva, a na pitanje sudije Siniše Petrovića da li želi da iznese odbranu Šarić je odgovorio negativno.
“Spreman sam, ali neću sad. Krenuću kad Tužilaštvo završi sa iznošenjem dokaza, kako bih imao dva dana zaredom za iznošenje odbrane i da je ne bih prekidao“, rekao je Šarić.
Na suđenju su govorili i advokati odbrane, koji su istakli da Tužilaštvo nije dokazalo optužnicu, odnosno nije dokazalo da je Šarić novcem zarađenim od trgovine drogom kupovao društvena preduzeća.
Oni su čak ironično rekli da na ovaj način Tužilaštvo uvodi krivično djelo trošenja novca.
Šarić bi odbranu mogao da iznese u aprilu.
Ovo je jedan od dva procesa koji se protiv Šarića vode u Specijalnom sudu, u prvom, on je optužen za trgovinu drogom, odnosno za šverc 5,7 tona kokaina, dok je u drugom procesu optužen da je novcem zarađenim od narkotrafikinga kupovao državna preduzeća.