Guverner Kalifornije najavio moratorijum na pogubljenja
U Kaliforniji je posljednji put 2006. godine pogubljen zatvorenik nakon višegodišnjih sudskih sporova u vezi sa načinom pogubljenja.
Njusam ne može trajno ukinuti smrtnu kaznu, a za to je potreban referendum, navodi Bi-Bi-Si.
Guverner Njusam preuzeo je dužnost u januaru, a moratorijum na izvršenje smrtne kazne bilo je jedno od njegovih predizbornih obećanja.
- Smatram da jedno civilizovano društvo ne može da tvrdi da je lider u svijetu sve dok vlada nastavlja da odobrava diskriminatorsko pogubljenje svog naroda. Smrtna kazna nije u skladu sa našim suštinskim vrijednostima - rekao je on u saopštenju.
On je, takođe, najavio povlačenje protokola o smrtonosnoj injekciji i zatvaranje prostorije za izvršenje smrtne kazne u zatvoru San Kventin.
Guverner nema ovlaštenje da ukine smrtnu kaznu, a za to je potreban referendum ili glasanje koje podržava takvu vrstu promjene. Naredna mogućnost za tu vrstu izjašnjavanja biće na izborima 2020. godine.