Švajnštajger: To vam je Oli Titan
Naime, on se sjetio svog početka igranja u minhenskom bundesligašu i iskustva koje je u početku imao sa jednim od najboljih golmana u istoriji, Oliverom Kanom.
"U profi-kadar sam došao 2002. godine. U svlačionici sam dobio mjesto kraj Olivera Kana. Bio sam uzbuđen, čuj ja tako mlad, a dobio mjesto kraj velikog Kana. Prvi put je tek 2005. godine sa mnom progovorio. Uvijek je krao moje peškire za tuširanje, stalno je imao viška, a ja ponekad nijedan. Oblačio je i moje papuče i sve. Ali to vam je Oli Titan, samo šuti i trpi i divi mu se. Nikada mu nisam zamjerio, a i kako bih? Postali smo pravi prijatelji".
Kan je za Bajern igrao od 1994. do 2008, i osvojio 20 trofeja, kao i KUp UEFA, Ligu šampiona i Interkontinentalni kup.
Za njemačku reprezentaciju nastupao od 1995. do 2007. godine, sa kojom je osvojio Evropsko prvenstvo 1996. godine.