"Kraljevski" start NBA, debakl Voriorsa!
"Kralj" Klivlenda Lebron DŽejms obilježio je start sezone i podizanje šampionske zastave pod svodove 'Kviken Loans' arene 43. tripl dablom u karijeri (19 poena, 14 asistencija i 11 skokova). DŽejms je prethodno slavio u oba navrata sa Majamijem poslije osvojenih titula, pa je zadržao savršen učinak.
“Bilo je sjajno doživjeti ovaj trenutak. Bilo je teško koncentrisati se na utakmicu, ali smo uradili odličan posao, posebno u drugom poluvremenu. Bilo je mnogo emocija“, rekao je Lebron koji je uz Kajrija Irvinga i ostatak ekipe donio Klivlendu prošle sezone prvu titulu poslije 52 godine.
Njujork Niksi, koji su sa Rouzom i Noom napravili ambiciozan tim, držali su se do poluvremena kada je bilo 48:45, ali na startu treće deonice Klivlend ih je razbio.