Bajden pozvan na samit Alijanse početkom sljedeće godine
On je na konferenciji za novinare u Briselu pred dvodnevni sastanak ministara spoljnih poslova članica Alijanse, koji počinje sutra, rekao da još nije određen datum samita, ali da će se tada okupiti lideri svih članica NATO-a.
- Radujem se da sljedeće godine poželim dobrodošlicu predsjedniku Bajdenu na samit NATO-a ovdje u Briselu - istakao je Stoltenberg.
Podsjećajući da u SAD postoji snažna podrška NATO-u sa obje političke strane u Americi, Stoltenberg je naglasio da se raduje saradnji sa novom američkom administracijom, javila je turska državna novinska agencija Anadolija.
Stoltenberg je napomenuo da je NATO jedina institucija ili organizacija koja ujedinjuje Sjevernu Ameriku i Evropu, te da se raduje nastavku projekta "NATO 2030", inicijativi da se Alijansa učini spremnom za suočavanje sa izazovima sutrašnjice.