"Vodeni svijet" postaje televizijska serija (VIDEO)
Ono što je filmu nedostajalo na polju originalnosti nadoknadio je eksplozivnim scenama koje su pokušale da naglase koliko je novca uloženo u film. Kostner je uložio svoja 22 miliona dolara vjerujući u uspjeh, ali to se negativno odrazilo na atmosferu na snimanju, jer se glumac neprestano miješao u posao reditelja i scenarista, a kasnije se uplitao i u montažu.
Njegova nastojanja da po svaku cijenu izbjegne još jedan filmski promašaj nisu urodila plodom, a vratio je tek nešto više od polovine uloženog novca, a ukupan budžet filma se na kraju popeo na 235 miliona dolara. Film je tek godinama kasnije uspio da vrati uloženo, a od 2013. do sada zaradio je i dodatnih osam miliona.
Nakon razočaravajuće istorije ovog filma, reditelj Den Trahtenderg odlučio je da ovaj film pretvori u televizijsku seriju.
Sve što je za sada poznato jeste da će radnja biti smještena dvadeset godina nakon radnje iz filma.
Budžet će vjerovatno biti veliki, jer ovo djeluje kao skup podvig, ali striming servisi prave "hrabre" poteze i ulažu astronomske novčane iznose u projekte kao što je HBO 200 miliona ekranizacija video-igre "The Last of Us" ili TV verzija "Gospodara prstenova" za čiju će prvu sezonu Amazon dati gotovo pola milijarde dolara.