Preminuo radnik zarobljen ispod ruševina srednjovjekovne kule u Rimu
Riječ je o Oktaju Strojičiju, koji je bio zatrpan oko 11 sati prije nego što su ga vatrogasci izvukli iz ruševina, prenela je Ansa.
Njegovo stanje je bilo ocijenjeno kao "izuzetno teško" - pretrpio je srčani zastoj odmah po dolasku Hitne pomoći, a uprkos stabilizaciji i prevozu u bolnicu, ljekari nisu uspjeli da ga spasu.
Roma'nın kalbinde Kolezyum yakınlarındaki Orta Çağ 13. Yüzyıldan kalma Torre dei Conti (Kont Kulesi)'nin bir bölümü (ikinci kez) restorasyon çalışmaları sırasında çökmüş. Yaralılar varmış. https://t.co/LD8ZxSAKB4
— (@AlexandraDNeel) November 3, 2025
U akciji spasavanja učestvovalo je oko 140 vatrogasaca.
Tokom intervencije dogodila su se dva odvojena urušavanja u razmaku od nešto više od jednog sata, pri čemu je uništen dio srednjovekovne kule na Carskom forumu.
Prvo urušavanje iznenadilo je radnike koji su izvodili radove, dok se drugo dogodilo dok su spasioci pokušavali da oslobode posljednjeg zarobljenog radnika.
Na gradilištu je u trenutku nesreće radilo 11 radnika iz dvije različite kompanije.
Četiri radnika su uspjela da se sklone, dvojica su ostala zatrpana, a 64-godišnji Gaetano La Mana je oslobođen i prevezen u bolnicu sa lakšim povredama glave.
La Torre dei Conti ai Fori Imperiali, a Roma, è parzialmente crollata. Erano in corso dei lavori di ristrutturazione della torre. Sul posto sono presenti gli agenti della Polizia di Roma Capitale e sono in corso le verifiche per capire se ci siano persone coinvolte dal crollo.… pic.twitter.com/xGZjs9PkqU
— Repubblica (@repubblica) November 3, 2025
Dvojica radnika su prošla sa manjim ogrebotinama i odbila su hospitalizaciju.
Јedan vatrogasac prebačen je u oftalmološku bolnicu zbog iritacije oka.
Prema prvim pretpostavkama, do urušavanja je došlo usljed unutrašnjeg sloma konstrukcije, vjerovatno temelja.
Pokrenuta je istraga zbog mogućeg nemara i povreda na radu.
Ministar kulture Alesandro Đuli i gradonačelnik Rima Roberto Gvaltijeri obišli su mjesto nesreće.
Kula grofova, visoka 29 metara, nije bila u upotrebi od 2006. godine, ali se radilo na njenoj restauraciji u okviru četvorogodišnjeg projekta "Caput Mundi", finansiranog Nacionalnim planom za oporavak i otpornost, koji bi trebalo da bude završen naredne godine, saopštile su vlasti Rima.
Zbog radova na obnovi, područje oko kule bilo je zatvoreno za pješake.
Zgradu je 1238. podigao papa Inoćentije za svoju porodicu.